Opozita ka kërkuar prezencën e kryeministrin Edi Rama gjatë seancës së sotme parlamentare.
Ligjvënësit e opozitën u shprehën se ai duhet të japë llogari për pushtetin që i ka dhënë Rrajave të cilët ushtruan dhunë barbare disa ditë më parë. Po ashtu, deklaruan se duhet të përgjigjet për akuzat ndaj ish-ministrit të tij Arben Ahmetajt dhe aferën e inceneratrëve, duke e akuzuar si kokën e skemës korruptive.
Opozita e ka akuzuar se Rama po negocion me Arben Ahmetajn ndaj edhe procedurat për miratimin e kërkesës së SPAK për arrestimin e ish-zëvendëskryeministrit po zvarriten.
Megjithatë, kryeqeveritari nuk u është përgjigjur akuzave as në distancë përmes rrjeteve sociale, ku në fakt ka preferuar të reagojë për tensionet në parlamentin e Kosovës.
“Të mos jesh dakord me kryeministrin është demokratike, ta shprehësh kështu kundërshtinë është të njollosësh veten, zgjedhësit e tu dhe krejt shtetin me një turp që sot i bën dëm Kosovës edhe ndërkombëtarisht, më shumë se sa çfarëdo qëndrimi politik që po ia kundërshton kryeministrit”, shkruan ai pas sulmit ndaj Albin Kurtit në Kuvendin e Kosovës.
“Imagjinojini si ndjehen aleatët dhe miqtë e pazëvendësueshëm të Kosovës e të shqiptarëve, kur shohin se si kapen për fyti shqiptarët, aty ku duhet të luftohet me ide e me fjalë, jo me sharje e me grushta! Uroj shumë që opozita të distancohet nga kjo sjellje e turpshme dhe t’i shërbejë Kosovës me forcën e shembullit, jo me shembullin e forcës”, shton.
Gjatë “turit të tij ballkanik” disa më parë, Edi Rama u refuzua pikërisht nga Albin Kurti për të zhvilluar një takim dypalësh në Prishtinë.
Të mos jesh dakord me kryeministrin është demokratike, ta shprehësh kështu kundërshtinë është të njollosësh veten, zgjedhësit e tu dhe krejt shtetin me një turp që sot i bën dëm Kosovës edhe ndërkombëtarisht, më shumë se sa çfarëdo qëndrimi politik që po ia kundërshton… pic.twitter.com/w0Sbu3btQJ
— Edi Rama (@ediramaal) July 13, 2023
