Një ngjarje e paprecedentë ka ndodhur në Bulqizë mëngjesin e kësaj të mërkure.
Dy makina janë përfshirë nga flakët, në rrethana misterioze teksa ishin të parkuara. Sipas policisë, është shkrumbuar plotësisht një automjet tip ‘Benz” , dhe një “Land Rover” parkuar pranë tij është djegur pjesërisht.
“Specialistët për Hetimin e Krimeve të Komisariatit të Policisë Bulqizë referuan materialet në Prokurori, për veprën penale “Shkatërrimi i pronës me zjarr”, pasi në Krastë, Bulqizë, është djegur automjeti tip “Benz”, në pronësi të shtetasit D. M., si dhe është djegur pjesërisht automjeti tip “Land Rover” (që ishte i parkuar pranë automjetit tip “Benz”), në pronësi të një shtetasi tjetër “. Vijon puna për zbardhjen dhe dokumentimin e kësaj ngjarjeje, identifikimin dhe kapjen e autorëve”, njofton policia.
Ndërkohë nisur nga njoftimi i bluve, dyshohet se zjarrvënia është e qëllimshme.
