Një ngjarje e rëndë ka ndodhur një ditë më parë në Kosovë. Në rrethana ende misterioze janë gjetur dy trupa të pajetë, një në Prishtinë e një në Drenas.
Zëdhënësi i policisë për rajonin e Prishtinës, Agron Borovci, tha për mediat se rreth orës 05:30, kanë pranuar informatën për një trup të pa jetë, në rrugën “Vëllezërit Ahmeti” në Drenas.
“Policia menjëherë ka dalë në vendin e ngjarjes si dhe mjekët emergjentë të cilët kanë konstatuar vdekjen e një personi 57 vjeç. Aktualisht policia po ndërmerr të gjitha veprimet e duhura hetimore dhe ato të ekzaminimit, me qëllim sqarimin dhe ndriçimin e plotë të ngjarjes dhe në koordinim me prokurorin e shtetit ka nisur një hetim mbi vdekjen”, tha ai.
Po ashtu ai bëri me dije sot rreth orës 17:00, kanë pranuar informatën për një trup të pa jetë, në rrugën “Xheladin Kurbaliu” në Prishtinë.
“Policia menjëherë ka dalë në vendin e ngjarjes nga ku është raportuar se trupi i pa jetë në moshë të shtyer. Aktualisht policia po ndërmerr të gjitha veprimet e duhura hetimore dhe ato të ekzaminimit, me qëllim sqarimin dhe ndriçimin e plotë të ngjarjes dhe në koordinim me prokurorin e shtetit ka nisur një hetim mbi vdekjen”, tha ai.
Ende nuk është zbardhur misteri që mbulon vdekjen e ty shtetasve, ndërsa vijojnë hetimet lidhur me rastin.
