Deputeti i PD-së, Gazment Bardhi në mbledhjen e Këshillit të Mandatave ka pyetur kreun e SPAK, Altin Dumani, nëse ka dijeni se ku ndodhet deputeti socialist, Arben Ahmetaj, për të cilin është kërkuar leje nga Kuvendi i Republikës për arrestimin e tij.
“A keni informacion se ku ndodhet Ahmetaj në këtë moment, është në Shqipëri: Mos ka ikur në Kanada? Keni informacion për ketë?”– pyeti Bardhin kreun e SPAK.
Sipas burimeve, SPAK nuk i është përgjigjur pyyetjes së Gazment Bardhit mbi vendodhjen aktuale të Arben Ahemtajt.
Kujtojmë se mbledhja nisi me debate të ashpra mes opozitës dhe mazhorancës, pasi opozita ka kërkuar që mbledhja të zhvillohet me dyer të hapura. Deputetët Salianji dhe Bardhi kanë akuzuar deputeten socialiste Ermonela Felaj, se nuk i intereson që mbledhja të zhvillohet me dyer të hapur pasi i përmendet emri tek provat e SPAK tek dosja për Ahmetajn.
