Arlind Ajeti ka një skuadër të re dhe zyrtarisht është pjesë e skuadrës së Cluj.
Mbrojtësi kuqezi ka firmosur ditën e sotme dhe është prezantuar nga vetë klubi.
Pas një sezoni të mirë në aspektin pozitiv me skuadrën e Pordenones, Ajeti kalon në këtë mënyrë në Rumani në një nga skuadrat më të mira rumune, teksa kërkohej nga Tirana në Superiore.
Te Cluj, ai do të gjejë edhe një tjetër shqiptar dhe bëhet fjalë për Ermal Krasniqi.
“Jemi të lumtur të ju njoftojmë se Arlind Ajeti është lojtari i ri i skuadrës sonë!
Mbrojtësi qendror me origjinë shqiptare, i lindur në Zvicër, ka luajtur në Serie A për Torino, Frosinone ose Krotone. Mbrojtësi gjatë karrierës së tij luajti edhe në Zvicër për Grasshopers, por edhe për Basel, skuadër me të cilën fitoi 4 herë titullin dhe luajti në Ligën e Kampionëve dhe Ligën e Europës.
Ajeti luan për kombëtaren e madhe të Shqipërisë, skuadër për të cilën ka pasur 21 seleksionime dhe me të cilat ka marrë pjesë në Kampionatin Europian në vitin 2016”, shkruan klubi rumun.
