Ish-ministri i Drejtësisë, Ylli Manjani i bën apel Arben Ahmetajt të “kapakun e pusetës më të qelbur të këtij pushteti”. Me këtë, ish-ministri nënkupton aferat e qeverisë dhe sipas tij nisur nga postet që ka mbajtur, Arben Ahmetaj është në dijeni të tyre.
“Arben Ahmetaj është dëshmitar i çdo qindarke transaksion që ka ndodhur në këtë vend. Nuk janë vetëm inceneratorët që kanë ndodhur këtu, por ka plot e plot, miliarda të shpërndara e rishpërndara sipas një axhende të kontrolluar nga lart. Beni është dëshmitari kyç i kësaj veprimtarie ekzekutive, politike e kriminale”, thotë Manjani përmes një postimi në rrjetet sociale.
“Ai qartësisht do t’i mbyllë gojën Benit. Beni duhet të zgjedhjë të flasë apo ta mbyllë gojën. Nëse ka për të folur sot është dita. Nesër nuk i duhet më askujt se çfarë thotë ai, sepse të gjithë nuk do ta besojmë më. Sot dhe këtu, në zemër të problemit e ka mundësinë. Nesër e as nga emigrimi nuk ngjit më asgjë. Përballja është burrnia jo ikja. Ikja apo kyçja e gojës e bën atë fajtor, biçim litari të kalbur që diçka bëhet sebep për t’u këputur. Kjo çështje nuk është “kemi prova apo s’prova”, por kemi burrni apo jo”, shton avokati Manjani.
