Një aksident automobilist është regjistruar pasditen e kësaj të hëne në rrugën e Pestë, pranë Universitetit në Sarandë.
Burime bëjnë me dije se një kamionçinë ka goditur një mjet tip “Smart” të parkuar dhe ka shkaktuar edhe përplasjen e një kalimtareje, e cila kalonte pranë trotuarit të ngushtë të kësaj rruge.
Mësohet se bëhet fjalë për shtetasen Anila Çipa, e cila ka marrë dëmtime të rënda dhe është transportuar me urgjencë në spital, ndërsa mjeti tip ‘”Smart” ka marrë vetëm dëme materiale.
Policia po heton për zbardhjen e plotë të shkaqeve të aksidentit.
