Për Partinë Demokratike zgjedhja e Alfred Pezës si drejtor i RTSH-së është antiligjore.
Në një deklaratë për mediat nga selia blu disa ditë më parë, deputetja demokrate Ina Zhupa tha se marrja e këtij posti nga Peza është në kundërshtim me ligjin për mediat audiovizive.
“4 shkelje në 4 kushte: Drejtor i një media që s`duhet të ishte gjatë vitit të fundit. Pronar i një media tjetër si “alpeneës.al”. Anëtar i Partisë Socialiste, anëtar i Asamblesë, zëdhënës i dikurshëm dhe sekretar dixhital”, tha Zhupa.
Shqetësimet i shpalosi edhe këtë të enjte në Kuven, ku raportoi drejtori i Përgjithshëm i RTSH-së Leka Bungo.
Ky i fundit u shpreh se nuk është në dijeni që Peza zotëron një portal.
“Duhet të kesh një armatë të plotë për të mësuar dokumentacionin e 2 mijë e ca portaleve. Unë nuk e di nëse ka portal”, tha ai.
