Një peshkatar është proceduar në gjendje të lirë ditën e sotme në Pogradec, pasi është kapur duke peshkuar në liqenin e Ohrit.
Mësohet se gjithashtu i është sekuestruar varka e peshkimit, e përdorur në gjuetinë e paligjshme.
“Në zbatim të Planit të Masave për evidentimin dhe parandalimin e gjuetisë së paligjshme në vijën bregliqenore Inspektorati i Peshkimit qarku Korçë në bashkëpunim me grupin e Task-Forcës, OMP Pogradec dhe Policinë Kufitare kanë kryer kontrolle në vijën bregliqenore të liqenit të Ohrit.
Gjatë kontrollit është sekuestruar një mjet peshkimi në gjueti të paligjshme.
Autoritetet kanë shtuar kontrollet të shumta kohëve të fundit në vijën bregliqenore në Pogradec sa i përket gjuetisë së paligjshme”,- thuhet në njoftim.
