Gazetari Lorenc Rabeta ishte këtë të diel i ftuar në emisionin “Review” në Euronews Albania tha se do duhej patjetër të bëhej një hetim për të gjithë ata që kanë ushtruar funksione kryesore në Kadastra, por edhe për familjarët e tyre.
Ai tha se ata do duhet të hetohen patjetër pasi Kadastrat ndër vite kanë prodhuar milionerë, ndaj nuk mund të lihet gjithçka në harresë e të hapet një faqe e re.
“Shpresoj shumë që të ketë një hetim. Kadastrat ndër vite kanë prodhuar milionerë, e kur them milionerë, milionerë seriozë.
Në qoftë se do jetë e vërtetë ajo që thotë Henriku që do të kemi një verifikim të personave të lidhur, bashkëshortët, fëmijët, do ishte shumë mirë”,-tha Lorenc Rabeta
