Një turist italian është rrezikuar të mbytet këtë të shtunë në Shëngjin.
Turisti nga Italia, shtetasi G. A., 63 vjeç, i është përmbysur varka dhe ka rënë në det, ku e ka patur të pamundur për të dalë në breg për shkak të largësisë dhe ka kërkuar ndihmë.
Është dashur ndërhyrja e uniformave blu, për nxjerrjen nga uji të 63-vjeçarit dhe është transportuar me mjetin lundrues të Policisë Kufitare. Ai është shoqëruar në ambientet e hotelit ku ishte akomoduar dhe raportohet se është në gjendje të mirë shëndetësore.
