Barcelona është pranë transferimit të talentit të Fenerbahce-s, Arda Güler.
Presidenti i katalanasve, Joan Laporta, konfirmoi për ‘Onze’ në ‘Esport3’ se klubi spanjoll është në negociata të avancuara me gjigandët turk të futbollit për shërbimet e 18-vjeçarit.
Presidenti i Barçës, gjithashtu bëri të qartë se, nëse marrëveshja realizohet, Güler do t’i bashkohet skuadrës së Xavi Hernández në 2024 me Fenerbahcen që preferon që ta ketë edhe për një vit talentin e tyre.
“La Liga na lejon të bëjmë operacione që nuk llogariten për këtë vit. Ky opsion përputhet shumë me planet e Fenerbahçes, të cilët janë të interesuar ta kenë edhe një vit talentin e ri. Prioriteti i lojtarit nga ana e tij është të ketë vazhdimësi, prandaj ai është i gatshëm të vazhdojë një sezon në vendin e tij për të vazhduar të rritet profesionalisht përpara se të bëjë kapërcimin në nivelin më të lartë. – deklaroi Laporta.
Të tre palët arritën një marrëveshje në parim të enjten, me vetëm disa detaje për t’u finalizuar përpara se gjithçka të zyrtarizohet. Kujtojmë që në garë për Güler janë edhe Real Madrid dhe Milan, por katalanasit duken më të vendosur në objektivin e tyre.
Situata financiare e Barcelonës mbetet ende shumë delikate, por Laporta insistoi për ‘Onze’ në diskursin që ka mbajtur që nga kthimi në presidencë: “Të gjithë lojtarët e klasit botëror i japin përparësi Barçës” dhe Arda, nuk do të jetë përjashtim.
Në 34 paraqitje në kampionat, kupë të Turqisë dhe Ligën e Europës, Guler ka shënuar 6 gola dhe 7 asiste për Fenerbahcen. Qershia mbi tortë ishte supergoli i tij i parë ndërkombëtar më 19 qershor kundër Uellsit.
Arda Güler scored his first ever goal for Turkey last night against Wales. It was an absolute beauty. pic.twitter.com/SpUgvwWiKk https://t.co/vZ6sWnVTU9
— HLTCO (@HLTCO) June 20, 2023
