Eksperti i kriminalistikës, Ervin Karamuço ka zbuluar se personi që u përfshi në videoskandalin seksual të Safet Gjicit, Alma K., ka ndjekur një kurs për dedektive private.
Pjesë nga debati:
Duma: A ka ndodhur nonjë rast që të jetë ndëshkuar ndokush se ka përgjuar?
Karamuço: Ndodhin raste nëse ti e merr vesh, por më shumë këto zgjidhen privatisht. Ne kemi pasur raste që janë porositur nga të huaj për të ardhur valixhe, dhe për t’u përgjuar biznesmenë dhe banda mes njera-tjetrës, kemi një skandal shumë të madh që na ndodhi në Greqi… Por ato lloj sistemesh, sidomos “Predatori” që ndërtohet në Maqedoni dhe “Pegasus” që bëhet në Izrael, kemi folur.
Pra bëhet fjalë për ata telefonat zero që janë pjesë e “spyëare” softëare, janë të gjitha një teknologji që jo vetëm e marrin shtetet, por edhe privatët. Dhe ata privatë futen kudo, dëgjojnë gjithçka thua dhe madje me këtë celularin tani “MX-Spy”, ai është edhe celular, edhe kamerë, edhe përgjim gjithë kohën. Jo vetëm për atë çka ka brenda celulari jotë, por shikon të gjithë pamjen që ti ke. Shumica e këtyre që punojnë sidomos në kompjutera iu vënë ngjitës kamerave. Edhe në celular e mbajnë të bllokuar atë.
Presidenti i SHBA-së ka celularin e tij të modifikuar që mund të mos ketë mikrofonë dhe mikrokamerë. Vetëm për këtë. Sepse dihet që janë softëare apo spyëare që përdoren për të gjitha këto. Tashmë është një sëmundje shumë e madhe kjo që po ndodhë. Po na ndodh edhe ne, na është futur edhe si adrenalinë kjo dhe duam të marrim veshë pse apo çfarë do të ndodhë me njeri-tjetrin, dhe bëhet fjalë përtej interesave që ka dhe luhen se çfarë po bën tjetri kundrejt teje.
