Nga Boldnews.al
Avokatja e Popullit, Erinda Ballanca, ka mohuar që të ketë shërbyer si “kumbare” e një takimi në zyrën e saj, ku kryetarja e Komisionit të Ligjeve, Klotilda Bushka, ka tentuar të manipulojë Ina Goxhajn, një dshmitare e Prokurorisë ës Posaçme në çështjen në ngarkim të kryebashkiakut të arrestuar të Tiranës, Erion Veliaj, bashkëshortes së tij, Ajola Xoxa, dhe dy dyzina biznesmenësh e personash të tjerë.
Ballanca është pyetur në Prokurorinë e Posaçme mbi këtë episod të ndodhur në 14 janar 2025 në zyrën e Avokatit të Popullit. Por, drejtuesja e këtij institucioni kushtetutes ka mohur të ketë dëgjuar bisedë mes Bushkës dhe vartëses së saj, Goxhaj, lidhur me çështjen e hetimit për çiftin Veliaj-Xoxa.
Gjithsesi, Erinda Ballanca pranon se nuk ka qenë e pranishme gjatë të gjithë kohës që Bushka dhe Goxhaj kanë qenë në zyrën e saj.
“Unë dola nga zyra për 4-5 minuta, ndërkohë që Klotilda dhe Ina Goxhaj qëndruan vetëm. Pasi unë u ktheva, Ina u largua dhe nuk vura re asnjë shqetësim mes tyre”, është shprehur Avokatja e Popullit para prokurorve ët SPAK-ut.
Erinda Ballanca ka deklaruar se njihet prej shumë vitesh me deputeten socialiste, Klotilda Bushka, pasi kjo e fundit fillimisht ka qenë asistente e saj e më tej kolege në fushën e avokatisë.
Ajo thotë se Ina Goxhaj është specialiste pranë zyrës së Avokatit të Popullit. Në 14 janar 2025, Ballanca kishte pritur në zyrë Bushkën për çështje të aktivitetit institucional, siç deklaroi Avokatja e Popullit.
Asaj nuk i kujtohet se cilës prej të dyjave i kishte idea për të thirrur në takim edhe specialisten Ina Goxhaj, e cila rezulton edhe kushërirë e dytë me deputeten Bushka.
Në atë takim, sipas deklarimeve të Goxhajt para prokurorëve, Klotilda Bushka i ka ripërsëritur kushërirës së saj që të jetë e kujdesshme, nëse thirret sërish në SPAK për çështjen në ngarkim të Ajola Xoxas.
Ina Goxhaj kishte qenë më herët vartëse e Xoxes në zyrën ligjore “Partners Laë” dhe ishte pyetur paraprakisht në dhjetor 2024 në Prokurorinë e Posaçme për disa
çështje me interes për hetimin.
Para se Goxhaj të paraqitej në zyrat e SPAK-ut në dhjetor 2024, ajo ishte thirrur në takim nga Ajola Xoxa dhe Klotilda Bushka, ku i kishin marrë telefonin dhe i kishin dhënë një aparat tjetër, me qëllim që të shmangnin çdo të papritur, në rast se i sekuestrohej telefoni në Prokurorinë e Posaçme.
E njëjta çështje ishte rikthyer si temë bisede mes dy kushërirave në zyrën e Avokates së Popullit, Erinda Ballanca, në janar 2025, pak orë para se Ina Goxhaj të paraqitej për herë të dytë në SPAK.
Goxhaj u ka treguar detaje prokurorëve për këtë takim me deputeten socialiste, Bushka, në zyrën e Erinda Ballancës.
“Klotilda më kërkoi që të mos deklaroja në SPAK se ajo më kishte marrë dhe ndryshuar telefonin. Gjithashtu, Klotilda më tha se, nëse Inës do t’i duhej një avokat, ajo do t’ia siguronte. Për çfarëdo lloj gjëje, qoftë edhe për lek, Klotilda më tha që t’i thosha asaj për ndihmë”, ka deklaruar Ina Goxhaj para prokurorëve.
Prokuroria e Posaçme përfundoi hetimet e dosjes “Erion Veliaj” pak ditë më parë dhe mori të pandehur edhe deputeten dhe njëkohësisht kryetaren e Komisionit Parlamentar të Ligjeve, Klotilda Bushka, për veprën penale të “pengimit të drejtësisë”.
Klotilda Bushka presion dëshmitares në zyrën e Erinda Ballancës: Gënje në SPAK!
