Real Madrid thuhet se ka gati tre alternativa nëse nënshkrimi i Kylian Mbappe nga Paris Saint-Germain nuk realizohet këtë verë.
Sipas një raporti të Fichajes, Los Blancos kanë përzgjedhur Harry Kane, Victor Osimhen dhe Dusan Vlahovic si alternativa për fituesin e Kupës së Botës 2018.
Gjigantët spanjollë aktualisht po kërkojnë të nënshkruajnë me një sulmues për të zëvendësuar Karim Benzema, i cili u largua për tek Al-Ittihad këtë verë.
Kylian Mbappe mbetet objektivi kryesor i klubit dhe ka përjashtuar mundësinë e një zgjatjeje të marrëveshjes së tij aktuale në Paris, e cila do të përfundojë në verën e vitit 2024.
Megjithatë, raportet e fundit kanë treguar se skuadra e Premier League Liverpool mund të hyjë në garë dhe të arrijë një marrëveshje për francezin.
Sipas agjentit të FIFA-s, Marco Kirdemir, Reds janë të gatshëm të ofrojnë 214 milionë £, pa përfshirë bonuset, për të nënshkruar me sulmuesin francez këtë verë.
Nëse Real Madridi nuk arrin objektivin e tij kryesor, klubi mund ta kthejë vëmendjen drejt sulmuesit të Tottenham Hotspur, Harry Kane, i cili ka një vit të mbetur nga kontrata e tij aktuale.
Tri herë fituesi i Këpucës së Artë të Premier League është lidhur gjithashtu me një lëvizje te Bayern Munich.
Opsione të tjera përfshijnë Victor Osimhen të Napolit, kontrata e të cilit me klubin italian skadon në vitin 2025. Me dy vjet të mbetura nga marrëveshja e tij aktuale, Napoli po kërkon 128 milionë £ për sulmuesin.
Alternativa e fundit e Los Blancos, Dusan Vlahovic, është nën kontratë me Juventusin deri në vitin 2026. Real-i mund ta marrë 23-vjeçarin në formë huazimi.
