Kryeministri Edi Rama po zhvillon një konferencë me sekretarin e përgjithshëm të NATO-s, Jens Stoltenberg.
Ai ka shfrytëzuar konferencën për shtyp pas darkës zyrtare të organizuar nga Sekretari i Përgjithshëm, Jens Stoltenberg dhe Kryeministri holandez, Mark Rutte në Holandë, për të folur për situatën në veri të Kosovës.
Rama: Doja të thoja që është shumë frymëzuese që të jesh pjesë e NATO-s në këtë kohë dhe të shohim që vullneti për të qenë me Ukrainën deri ne fund është i palëkundur. Kushdo që mund të vërë bast mbi shabnset për të thyer këtë solidaritet dhe për të thyer NATO-n ka humbur dhe do të humbasë deri në fund. Ne mund të diskutojmë dhe situatën shqetësuese në Ballakan, në veri të Kosovës. Shpresojmë që logjika të mbizotëroje dhe depërshkallëzimi i situatës të vijë sa më parë, çdo përshkallëzim mund të sjellë një thyerje në rajonin tonë. Duam të shohim që dialogu i BE-së të ketë sukses.
Po ashtu në konferencë janë të pranishëm edhe kryeministri i Holandës, Belgjikës dhe Norvegjisë si dhe Presidenti i Rumanisë, Polonisë dhe Lituanisë.
