Rrjetet sociale dhe mediat në Serbi kanë filluar të publikojnë video të ndryshme të kaosit të krijuar mbrëmë në një aeroplan të aviokompanisë serbe “Air Serbia”, kur një pasagjere që udhëtonte me një fëmijë të vogël, nuk ka dashur të vendosë rripin e sigurimit.
Siç raportojnë mediat serbe, pasi ekuipazhi e bindën, është thirrur shërbimi i sigurisë dhe gruaja, e cila ishte shtatzënë u nxorr nga aeroplani.
Megjithatë, më pas ndodhi një incident i tmerrshëm.
Teksa gruaja me fëmijën po ecte drejt daljes, njëri nga pasagjerët ngriti dorën dhe e goditi në shpinë.
Gruaja ndalet pranë tij, e pas rritjes së tensioneve filluan fyerjet, ku sipas pasagjerëve tjerë ajo e goditi me pako me fasoleta.
Të gjithë pasagjerët mundoheshin ta bindin që të respektojë rregullat ose të largohet nga aeroplani.
