Si çdo fundjavë në zonat turistike mbizotëron trafiku. Kjo pasi turistë të huaj por edhe vendasit preferojnë ta kalojnë fundjavën pranë bregdetit.
Edhe këtë të dielë në aksin Lezhë-Milot është vënë re prezencë e madhe e automjeteve.
Siç shihet edhe në videot e mbërritura në redaksinë e Boldnews.al, qindra makina kanë ngecur në trafik.
Mësohet se trafiku i rënduar ka nisur që prej orës 17:00 dhe pritet të vijojë deri në orët e mbrëmjes. Kjo situatë pritet ti shoqërojë rrugët e Lezhës edhe gjatë këtij sezoni turistik, pasi rrugët e ngushta dhe pa standarte nuk e përballojnë fluksin e lartë të automjeteve që pritet të jetë gjithnjë në rritje.
