Një aksident ka ndodhur ditën e sotme në rrugën hyrëse të qytetit të Lushnjes, pranë vendit të quajtur “Shëtitorja e Palmave”.
Gramoz Xhumari, 45 vjeç, ka mbetur i plagosur teksa po kalonte rrugën dhe është përplasur nga një motoçikletë, në pronësi të 31 vjeçarit Ledion Duro.
Të dy janë të plagosur rëndë dhe janë transportuar me urgjencë drejt spitalit të Lushnjes ku ndodhen nën kujdesin e mjekëve.
Në vendngjarje ka shkuar menjëherë policia ndërkohë që bizneset në zonë kërkojnë vendosjen e pengesave në rrugë për të ulur shpejtësinë e automjeteve që qarkullojnë në këtë rrugë. Ky është rasti i dytë brenda muajit qershor që ndodh një aksident po në të njëjtën zone.
Dite më parë një mësuese u plagos me makinë teksa po shkonte në shkollë.
