Kryetari i PBDNJ-së, Vangjel Dule përsëriti këtë të enjte nga foltorja e Kuvendit se mbajtja në qeli e Fredi Belerit është një shkelje që po ndodh me urdhër të kryeministrit Edi Rama.
Ai tha se Belerit “po i privohet në mënyrë arbitrare e drejta kushtetuese për të ushtruar kompetencat dhe përgjegjësitë që i kanë ngarkuar bashkëqytetarët”.
Himarës, shtoi ai, po i nëpërkëmbet e drejta klasike e sovranit dhe kjo po ndodh se “sepse nuk i pëlqen Ludovikut të parë të Shqipërisë”.
Ai tha se kryeministri Edi Rama ishte motivuesi dhe dirigjuesi i rrëmbimit dhe pengmarrës së fituesit të zgjedhjeve më 14 Maj.
Kryetari i PBDNJ-së u shpreh se Rama stigmatizoi dhe demonizoi Fredi Belerin që prej 6 Majit dhe e bëri këtë në vijimësi, deri sa “dha urdhrin që ai të rrëmbehet e të mbahet peng”.
