Tirana ka humbur të paktën 1 milion e 175 mijë euro nga largimi i lojtarëve pa u shitur kartoni. Deri tani te bardheblutë janë zyrtarizuar katër largime, vlera e kartonëve të tyre është e lartë. Të gjithë kanë ikur me kosto zero.
Kartonët e Albano Aleksit dhe Kristijan Toshevskit kushtojnë nga 250 mijë euro. Kartoni i Visar Bekajt kushton 400 mijë euro, ndërsa i Zhozelin Behiratçes 275 mijë euro. Jo vetëm kaq, por Tirana ka kursyer rreth 30 mijë euro në muaj paga nga largimi i këtyre futbollistëve.
Deri tani Tirana nuk ka shitur asnjë lojtar, ndërsa deri në janar, Tirana ia doli që të shiste disa futbollistë, duke arkëtuar 1.5 milionë euro.
