Kryesia e grupit të “vulës” së PD në mbledhjen e kësaj të enjte mbrëma, ka dalë me vendimin se më 20 qershor do të mbledhë Këshillin Kombëtar.
Sakaq, ky grup ka vendosur organizimin e procesit për zgjedhjen e kryetarit të PD, teksa fushata zgjedhore do të zhvillohet nga data 24 qershor deri në datën 27 korrik 2023.
Zgjedhjet për kryetar të PD do të zhvillohen në datë 29 korrik 2023, ndërsa njoftohet se Kuvendi i jashtëzakonshëm statutor zhvillohet brenda muajit shtator 2023.
Në takimin e sotëm mungon kreu i grupit parlamentar dhe Sekretari i Përgjithshëm i PD-së se “vules”, Gazment Bardhi, ndërsa të pranishëm ne takim ishin vetëm 15 deputetë.
Po ashtu mungonin pasi ndodhet në Gjermani, Jonida Godole, ndërsa për shkak se kanë dhënë dorëheqjen nga Kryesia e PD-së: Jorida Tabaku, Flamur Hoxha dhe Oriela Nebiaj.
- Pas takimit, këto janë vendimet e marra nga “Grupi i Vulës” në PD:
-Kryesia e Partisë Demokratike vendosi sot te thërrasë mbledhjen e Këshillit Kombëtare me 20 qershor.
-Kryesia e PD vendosi Organizimin e procesit për zgjedhjen e kryetarit të PDSH.
-Procesi zgjedhor drejtohet nga Komisioni Zgjedhor i Partisë;
-Pranë Komisionit Zgjedhor, secili kandidat paraqet kërkesën për kandidim brenda datës 20 Qershor 2023;
-Fushata zgjedhore zhvillohet nga data 24 Qershor deri në datën 27 korrik 2023.
-Zgjedhjet për kryetar të PDSH zhvillohen në datë 29 korrik 2023.
-Kuvendi i jashtëzakonshëm statutor zhvillohet brenda muajit shtator 2023.
- Deputetët që nuk morën pjesë në mbledhje:
Gazment Bardhi
Helidon Bushati
Lefter Gështenja
Saimir Korreshi
Bledjon Nallbati
Dhurata Çupi
Dashnor Sula
Deputetët prezentë
Arbi Agalliu
Kreshnik Çollaku
Jemin Gjana
Fitim Zekthi
Gentian Gaba
Endri Hasa
Indrit Sefa
Roland Bejko
Taulant Zeneli
Gazment Koduzi
Taulanda Jupi
Flutura Açka
Orjola Pampuri
Juela Hamati
Agron Kapllanaj
