Policia e Shkodrës ka proceduar ditën e sotme një 30-vjeçar pasi në lokalin në pronësi të tij, kishte vënë muzikë të lartë që përbënte shqetësim për banorët.
Blutë bëjnë me dije se në pranga ka rënë shtetasi E.Ç, banues në lagjen “Perash”.
“U referuan materialet në Prokurori ku nisi procedimi në gjendje të lirë, për veprën penale “Prishja e qetesisë publike”, për shtetasin E. Ç., 30 vjeç, banues në lagje ‘’Perash’’, Shkodër, pasi në lokalin në pronësi të tij, kishte vënë muzikë të lartë që përbënte shqetësim për banorët.
Në cilësinë e provës materiale u sekuestruan pajisjet që gjeneronin muzikën”,- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
