Në një deklaratë të orëve të vona të së premtes, sipas mediave ruse, Vladimir Putin ka folur në lidhje me luftën në Ukrainë. Ai është shprehur se ushtria e Kievit tashmë e ka nisur kundërofensivën e saj.
“Mund ta them me siguri absolute, kundërofensiva e Ukrainës ka nisur tashmë dhe këtë e dëshmon përdorimi i rezervave strategjike”, tha kreu i Kremlinit.
Më tej, lideri rus u shpreh se forcat e Zelenskyt nuk kanë mund të përparojnë në asnjë drejtim të frontit.
“Forcat ukrainase nuk kanë mundur të përparojnë në front, pavarësisht se e kanë nisur kundërofensivën e tyre. Kjo ka ardhur për shkak të guximit të ushtarëve rus dhe organizimit të mirë të forcave nga Moska”, ka deklaruar Putin, i cituar nga RIA Novosti.
