Qentë e rrugës vijojnë të jenë një problem i madh në qytete të ndryshme të vendit, ku disa prej tyre janë agresivë dhe sulmojnë qytetarët.
Një rast i tillë ka ndodhur edhe në Vlorë ku një nënë denoncon se mëngjesin e sotëm disa qen agresivë rruge i kanë sulmuar djalin.
Ky i fundit ka marrë plagë të rënda në këmbë dhe është dërguar nga prindërit në spital për të bërë tetanosin. Sikur të mos mjaftonte ngjarja e rëndë për shkak të sulmit të qenve të rrugës, nëna e djalit shprehet se kur ka shkuar në spital fashot i ka paguar vetë.
Rasti është publikuar nga JOQ, ku përmes një mesazhi qytetarja thotë se pavarësisht se problemi i qenve të rrugës është ngritur disa për herë nga banorët, pushteti vendor nuk ka marrë masa për një zgjidhje. Gjithashtu ndonëse flitet për shëndetësi falas, në spitalin e Vlorës duhet të paguash nga xhepi për të marrë mjekimin e duhur nga mjekët.
Qytetarja: Pershendetje! Jame nje qytetare e Vlores. Sot ne mengjes nje grup me qen rrugesh me kane sakatuar djalin nga kembet. Sa e sa here eshte ngritur ky problem, e nuk kan ndermend te marin masa. Vajtem ne spital per ti ber tetanozin edhe fashot i paguam vete. Faleminderit per postimin.
