Kryeministri Edi Rama, deklaroi këtë në Enje në një dalje për mediat, se i ka dorëzuar Asociacionin për komunat me shumicë serbe, kancelarit gjerman Olaf Scholz dhe kryeministrit francez Emanuel Macron.
Lidhur me këtë draft-propozim, ka reaguar edhe ish-deputeti demokrat, Klevis Balliu. Përmes një postimi në rrjete sociale, Balliu shkruan se Rama e tregoi haptaz se është kundër Kosovës. Më tej ai shton se Rama ka urrejtje për Kosovën njësoj si Serbët.
Balliu: Rama është analizuar prej kohësh si një trashëgimtar i linjës vëllazërore me Serbinë në gjurmët e themeluesit te kësaj marrëdhënie, Enver Hoxhës. Sigurisht ata që duhet ta dinë se ku dhe kur daton kjo histori për Ramën, e dinë fare mirë, por sot me deklaratat në parlament ku ai e sulmoi ashpër rezistencën e Kosovës dhe të drejtën mitologjike të saj, Pavarësinë, nuk ka më të verbër.
Ai është në sytë e gjithkujt në botë si një oficer i Vuçiçit, ai ka urrejtje raciste për Kosovën njësoj si Serbët. Turbullirat e sotme politike nuk do ta shpëtojnë atë nga ndëshkimi Kombëtar.
