Tirana vijon përgatitjet për të kompletuar skuadrën në prag të turit eliminator të Conference League, teksa pas konfirmimit të trajnerit Orges Shehi në pankinë, po punohet për merkaton.
Kështu pas firmës me portierin e kombëtares gentian Selmani dhe sulmuesin Brazilian Kaina Nunes, bardheblutë janë vetëm një hap larg afrimit edhe të mbrojtësit Egzon Bejtulai.
Burime për SuperSport konfirmojnë se bardheblutë dhe mbrojtësi 29-vjeçar nga Tetova kanë arritur marrëveshjen në parim dhe pritet që shumë shpejt të hedhin firmën mbi kontratë.
Egzon Bejtulai është një futbollist me mjaft eksperiencë, pasi është rritur te Shkëndija, ku ka kaluar edhe pjesën dërrmuese të karrierës, teksa numëron edhe 26 ndeshje me përfaqësuesen e Maqedonisë së Veriut.
