Për herë të parë në historinë e parlamentarizmit italian, sot në parlament ka qenë një foshnjë, teksa deputetja Gilda Sportiello i ka dhënë gji djalit të saj Federico në sallën e Dhomës së Deputetëve. Ky veprim solli duartrokitje nga kolegët e saj.
Një ngjarje e tillë do të ishte e zakonshme në shumë vende, por në parlamentin e Italisë tradicionalisht të dominuar nga meshkujt, ajo tërhoqi miratimin e zhurmshëm nga ligjvënësit.
Kryetari Djordjo Mule tha se kjo është hera e parë që ndodh diçka e tillë dhe vuri në dukje se të gjithë të pranishmit japin mbështetjen e tyre të plotë për nënë e bir.
“I urojmë Federikos një jetë të gjatë, të lirë dhe të qetë. Dhe tani do t’i zhvillojmë bisedat tona pa zhurmë”, tha Mule.
Në nëntor të vitit të kaluar, Komisioni i Rregullores Parlamentare vendosi që gratë deputete mund t’i ushqejnë me gji foshnjat e tyre deri në moshën një vjeçare.
“Shumë nëna detyrohen të shkojnë në punë dhe për shkak të kësaj ato detyrohen të ndalojnë ushqyerjen me gji të foshnjave të tyre,” tha një ligjvënës nga Lëvizja 5-Yje
