Gazetari Xhoi Bare, njëkohësisht edhe menaxher VIP-ash ka rënë në prangat e policisë së Vlorës një natë më parë. Policia bën me dije se Bare së bashku me dy persona të tjerë kanë patur gati për shitje një sasi të konsiderueshme lënde narkotike.
Përveç Xhoi Bare, të arrestuar janë edhe Ermand Hoxha 30 vjeç dhe Kedi Hoxha 19 vjeç pasi shpërndanin kokainë dhe kanabis nëpër ambientet festive të Dhërmiut.
Mësohet nga burime zyrtare se nga ky operacion janë sekuestruar rreth 800 doza kokaine dhe 750 doza kanabisi, gati për shitje, 1 peshore elektronike për peshimin e dozave, një shumë parash e përfituar nga shitja e tyre dhe 3 celularë.
Burime bëjnë me dije gjithashtu se Xhoi Bare është menaxher i një prej personazheve më të ndjekur të momentit, ish-banores së BBV, Efi Dhedhes.
Gjithashtu, Xhoi Bare ka qenë dhe gazetar i emisionit “Why Not” i Roza Latit ku bënte personazhin e “jashtëtokësorit”.
Materialet procedurale i kaluan Prokurorisë, për veprime të mëtejshme.
