Detaje të reja të reja kanë dalë në dritë për ngjarjen e rëndë të ndodhur mbrëmjen e djeshme në Korçë, ku burri qëlloi më thikë bashkëshorten e tij, duke i shkaktuar plagë të rënda, në gjendje kritike për jetën.
Aleko Myrtollari (46 vjeç), ka plagosur me thikë bashkëshorten e tij Marjola Myrtollarin (38 vjeçe), e cila është dërguar në gjendje të rëndë në spitalin e Korçës.
Burime bëjnë me dije se motiv i kësaj ngjarje dyshohet të jetë xhelozia. Marjola ka marrë disa plagë në pjesë të ndryshme të trupit, ndërsa vajza 16 vjeçare ka lajmëruar policinë. Mësohet se plagosja nuk ka ndodhur në sy të fëmijëve por e ka gjetur vajza nënën të plagosur.
Sipas të dhënave, çifti i bashkëshortëve jetonin me qira, kishin konflikte për motive xhelozie, ka qenë bashkëshorti që dyshonte te gruaja e tij për tradhti.
- Dinamika e ngjarjes
Sipas informacioneve nga vendngjarja, thuhet se çifti kishin prej kohësh grindje mes njëri tjetrin. Kanë 1 muaj e gjysmë që kanë ardhur nga Tirana në Korçë. Probleme kanë patur vazhdimisht, dhe bashkëshorti ushtronte dhunë ndaj Manjola Myrtollarit.
Në banesë kanë qenë fëmijët e çiftit, por autori (babai) i ka nxjerrë jashtë dhe më pas ka qëlluar disa herë më thikë bashkëshorten. Nga ana tjetër, bëhet me dije se bashkëshorti konsumonte alkool, dhe rrinte shpesh i dehur. Ai punonte jashtë shtetit për pak muaj, ndërsa bashkëshortja ishte e papunë
