Kryeministri i Kosovës, Albin Kurti gjatë një fjale të mbajtur në forumin e Bratislavës, e la të hapur mundësinë për zgjedhje të reja në Veri.
Kurti u shpreh se protestat e dhunshme nga njerëz të armatosur dhe me simbole të Rusisë janë të papranueshme, ndërsa theksoi se nëse qytetarët e këtyre komunave do protestonin në mënyrë paqësore për të kërkuar zgjedhje të parakohshme do kishin mbështetjen e tij si kryeministër.
“Nëse duan protesta paqësore, me kërkesë për zgjedhje të parakohshme, ata e kanë një kryeministër që ka qenë gjithë jetën aktivist politik dhe është më shumë se i gatshëm t’i dëgjojë dhe ndoshta të pajtohet me ta”, tha po ashtu Kurti.
Kurti gjithashtu i mbrojti veprimet e Policisë së Kosovës, e cila ndihmoi instalimin e kryetarëve të rinj shqiptarë në komunat me shumicë serbe në veri të Kosovës, përkundër rezistencës së banorëve lokalë.
