Një 27 vjeçar, ka zbërthyer rrjetin e një organizate kriminale që operonte në Zvicër, dhe merrej me trafikun e drogës.
Shqiptari i vënë në pranga 3 vite më parë, ka vendosur të thyejë heshtjen ditën e djeshme duke rrëfyer mbi personat të cilët ishin pjesë e organizatës kriminale.
Në sallën e gjyqit shiptari ka deklaruar se ishte bërë pjesë e trafiku të drogës, pasi kishte një borxh për të shlyer. I riu u dënua më pas me 36 muaj burg si dhe dëbim nga Zvicra për një periudhë 7 vjeçare.
Mediat e huaja shkruajnë se vendimi u mor pasi i arrestuari dha më shumë informacion rreth organizatës kriminale duke folur me emra dhe tha se këta të fundit kishin kërcënuar familjarët e tij me jetë nëse do të zbulonte ndonjë gjë rreth mënyrës sesi funksionon grupi kriminal që merrej me shpërndarjen e drogës.
“Për fat të keq këta persona kërcënuan familjen e tij për të siguruar heshtje. Por ai prapë vendosi të fliste. Kërcënime ndaj familjarëve që u dëgjuan edhe gjatë një telefonate të mbikëqyrur nga një punonjës policie. Dhe është gjithashtu për këtë arsye që dëbimi nga Zvicra nuk do të regjistrohet në sistemin SIS (sistemi i informacionit Shengen në të cilin raportohen sendet e vjedhura dhe personat e kërkuar nga policia për qëllime ekstradimi, të prekur nga ndalimi i hyrjes ose të zhdukur). Duke vepruar kështu, klienti im ndoshta do të mund të kthehet në Gjermani, ku tani banon e gjithë familja e tij”-tha avokati i shqiptarit.
Ndërsa gjykatësi tha se tashmë është vërtetuar se familja e të akuzuarit banon në Gjermani dhe se për këtë arsye do të kërkohet ekstradimi i tij në këtë shtet dhe jo në Shqipëri, ku mund të ndihet i rrezikuar nga personat që e kanë kërcënuar me jetë.
Burimi: Cdt.tch
