Një aksident i rëndë ka ndodhur në aksin nacional Korçë – Bilisht, në afërsi të fshatit Cangonj.
Nga raportimet paraprake, aksidenti ka ndodhur rreth orës 16:30, ku një mjet Benz ngjyrë të bardhë është përplasur “kokë më kokë” me një mjet Volkwasgen Caddy të kuq, çfarë ka sjellë përmbysjen e këtij të fundit në anë të rrugës.
Tre të plagosur janë transportuar drejt spitalit të Korçës, ende nuk dihet gjendja e tyre shëndetësore. Ndërkohë që ka edhe dëme të shumta materiale pasi duket se përplasja ka qenë shumë e fortë.
Policia në vendngjarje po punon për zbardhjen e shkaqeve të aksidentit.
