Nga Boldnews.al
Autoritetet qeveritare belge pretenduan para Gjykatës së Apelit të Brukselit se bllokimi i fondeve në shumë 65 milionë euro të “Eurocontrol” për kompaninë ajrore shqiptare “Albcontrol” në favor të biznesmenit Italian, Francesko Beketi, mund të përbëjë një incident të rëndë diplomatik në marrëdhënie me Shqipërinë.
Ky qëndrim zyrtar i Belgjikës nuk mund të lexohet ndryshe vetëm si një “kërcënim” që kanë marrë nga kabineti i Edi Ramës, në rast se gjyqësori belg vendoste kundër qeverisë shqiptare.
Ndërhyrja me natyrë politike e qeverisë belge në favor të qeverisë shqiptare dhe kërcënimi për një “incident diplomatik” të mundshëm ndërmjet Belgjikës dhe Shqipërisë, u shpërfill plotësisht nga Gjykata e Apelit e Brukselit.
Ajo vendosi përfundimisht se 65 milionë euro që duhet të shkojnë në llogaritë e ‘Albcontrol” do të qëndrojnë të bllokuara, derisa Edi Rama të vendosë të paguajë gjobën 110 milionë euro në favor të Francesko Beketit.
Rasti përbën një model normal të funksionit të pavarur të gjyqësorit, si edhe forcon më tej argumentat se drejtësia shqiptare është shumë vite drite larg këtyre standarteve.
Media ndërkombëtare “GAR” (Global Arbitration Review) që raporton për çështjen e Arbitrazhit Ndërkombëtar, shkruante pak ditë më parë mbi procesin gjyqësor, ku kompania ndërkombëtare e trafikut ajror, “Eurocontrol”, kërkoi nga Gjykata e Apelit në kryeqytetin belg që të hiqeshin masat e bllokimit për shoqërinë publike shqiptare, “Albcontrol”.
Në atë proces gjyqësor ishte palë e tretë edhe qeveria e Belgjikës. Sipas “GAR”, zyrtarët belgë kanë kërkuar lirimin e fondeve që do t’i shkonin “Albcontrol”, me argumentin se pasuritë shqiptare duhet të mbrohen nga imuniteti sovran.
Sipas përfaqësuesve të qeverisë belge, bllokimi i fondeve të “Albcontrol” do të përbënte “një incident të rëndë diplomatik ndërmjet dy shteteve”.
Shteti belg deklaroi gjuthashtu se duhej të ruante marrëdhënie të ngushta diplomatike me, “Eurocontrol”, si anëtar, por edhe si vendi ku gjendet selia e kompaninë ajrore europiane.
Përpjekjet e “Eurocontrol” dhe qeverisë Belge për të ndihmuar Edi Ramën dështuan me sukses përballë trupës gjyqësore.
Gjykata e Apelit të Brukselit konstatoi se Shqipëria ka nënshkruar konventat ndërkombëtare dhe duhet të zbatojë vendimet e Arbitrazhit Ndërkombëtar.
Në vitin 2019, arbitrat ndërkombëtarë të Bankës Botërore (ICSID) arritën në konkluzionin se Shteti Shqiptar ka mbyllur në mënyrë arbitrare dhe për arsye politike televizionin “Agon Channel”, në pronësi të biznesmenit Italian, Francesko Beketi.
Në bazë të atij vendimi, Shqipëria detyrohet t’i paguajë Beketit 110 milionë euro, plus shpenzimet e tjera administrative.
Kryeministri Edi Rama dhe vartësit e tij deklaruan se Beketi nuk do të marrë asnjë lekë nga qeveria shqiptare.
Pas këtyre deklaratave refuzuese, Beketi angazhoi avokatët për të kërkuar fonde financiare të qeverisë shqiptare jashtë vendit.
Pas verifikimeve, u konstatua se shteti shqiptar, nëpërmjet kompanisë publike “Albcontrol”, përfiton pagesa nga shoqëria europiane “Eurocontrol”, për shfrytëzimin e hapësirës ajrore.
Beketi ngriti një padi kundër “Eurocontrol” në gjykatën e shkallës së parë të Brukselit, si vendi ku gjendet selia e kompanisë ndërkombëtare. Në këtë padi kërkohej bllokimi i fondeve që i takonin kompanisë shqiptare, “Albcontrol”.
Gjykata e shkallës së parë e pranoi padinë e Francesko Beketit.
Kompania europiane “Eurocontrol”, e mbështetur nga qeveria belge, kërkoi shfuqizimin e vendimit të bllokimit të fondeve për “Albcontrol”.
Gjykata e Apelit të Strasbugurgut vendosi së fundmi që të mbetet në fuqi urdhëri i bllokimit të rreth 65 milionë eurove që i takojnë kompanisë shqiptare “Albcontrol”.
