Alibeaj: Hyra në zgjedhje por për të mbajtur gjallë partinë
Enkelejd Alibeaj thotë se u fut në zgjedhjet lokale jo për të fituar, por të mbajtur gjallë Partinë Demokratike.
I ftuar në një emision televiziv këtë të shtunë, ai u shpreh: Sfida e PD ishte shumë delikate. E para ishte ajo që nga zgjedhjet edhe pse lokale, doza e politizimit ishte pashmangshme, për çfarë kishte ndodhur brenda nesh. Sfida ishte që PD të dilte gjallë, që mendoj e kaluam. Sfida ishte të ruajmë nën PD me tiparet e karakteristikat tona, e qendrës së djathë, që ruaj raportet e saj emblematike me perëndimin, që ka forca brenda vetes të distancohet nga korrupsioni, që s’duhej të shndërrohej në një vorbull anti-amerikane.
“Dolëm në vetëm 14 bashki. Kemi marrë 103 mijë vota, sipas meje është një rezultat jo fitues dhe askush nuk kishte shpresën e ëndrrën për të kundërtën pas 1 viti e gjysmë luftë brenda nesh. Sfida jonë nuk ishte fitorja në kuptimin klasik të saj. Paraqitja dinjitoze ishte sfida dhe të mbanim PD gjallë. Rreziku kryesor i PD ishte të përthithej e t’i mbivendosej rreziku që të shndërrohet të kishte në vete një fenomen non grata që mbante mbi vete sanksionet dhe qortimin si një parti e mykur e paaftë të gjente forcat për t’u rishpikur. Sot ky rrezik nuk ekziston më, sidomos pas rezultatit të zgjedhjeve. 100 e ca mijë vota të demokratëve që e dinin që nuk garonim për fitore”. PD ka qenë në agresion nga brenda edhe nga jashtë me padrejtësitë që pushteti i bëri, me zvarritjen në çështje gjyqësore, me KQZ kundër, me mungesë financash e selie. Situatë kjo aspak komfort”, tha më tej.
Ndërkohë, nga kampi kundërshtar brenda PD, hyrja e tij në zgjedhje u cilësuar si një armë më shumë për mazhorancën, për ti hequr vota opozitës. Kreu i PD-së Sali Berisha e ka cilësuar Alibeajn vegël të Ramës.
