Sevilla dhe Juventus, i janë drejtuar kohës shtesë, për të mësuar një prej finalistëve të Budapestit, teksa koha e rregullt mes skuadrave u mbyll në barazim 1-1.
Siparin e golave të sfidës e hapi “bomberi” ballkanas, Dusan Vlahovic, i cili çoi topin në rrjetën e portierit Bono, në minutën e 55-të, pas një “gafe” në mbrojtjen e Sevilla nga mbrojtësi francez, Loic Bade, mirëpo vetëm 7 minuta më pas, ish-anësori i Milan, spanjolli Suso lëshon një predhë drejt portierit Szczesny.
Ndërkohë në minutën e 95-të të shtesës, spanjollët kalojnë për herë të parë në avantazh duke përmbysur shifrat me anë të Eric Lamelës.
Gil nga e majta lëshon një harkim perfekt në zonë ku Lamela me kokë nuk fal.
