Tirana dhe Partizani po bëjnë përgatitjet e fundit përpara derbit që do të luhet ditën e nesërme në “Air Albania” duke nisur që nga ora 18:30. Një sfidë që ka në dorë edhe fatet e titullit kampion, pasi diferenca mes dy ekipeve kryeqytetase është vetëm 2 pikë.
Si një ndeshje vendimtare e sezonit edhe interesi i tifozëve është shumë i lartë. Stadiumi pritet të jetë i mbushur, ndërsa spektakli nuk do të mungojë si në fushë edhe në tribuna.
Kur na duhet edhe 1 ditë nga ndeshja e madhe mësohet se 13.800 bileta janë shitur deri në këto momente, teksa numri i tyre pritet të rritet në orët në vazhdim.
Sipas informacioneve i gjithë kati i parë i stadiumit “Air Albania” është “Sold Out”, ndërsa pritet që tifozët tashmë t’u drejtohen biletarive për të siguruar një biletë për në katin e dytë të stadiumit.
