Kreu i PBDNJ, Vangjel Dule tha për Euronews Albania se ka shumë për të thënë për procesin e votimit, por të gjitha deklaratat do bëhen pas përfundimit.
“U dakordësua se do vijojnë me kutitë e hapura, por nuk është vendosur për kutitë e mbetura. nuk lejohet ndërprerje kur ka filluar procesi i numërimit të një kutie. Duhet të përfundojë,të nënshkruhet procesverbali dhe më pas mund të kërkohet pushim. Ne kemi shumë për të thënë, por do i themi pas mbarimit të procesit, me qëllimin që t’i konsumojmë në tërësi”, tha Vangjel Dule.
Momentalisht procesi i votimit në Himarë është pezulluar, ndërkohë shumë pak kanë mbetur pa u numëruar.
