Nga Boldnews.al
Investori strategjik i qeverisë dhe kandidati për këshilltar i Bashkisë Tiranë, gaztori, Gazmend Paja, është shfaqur në një video duke mbajtur karrocën e invalidit të një të moshuari të paralizuar. “Gjesti human” i Pajës shkon deri në atë pikë sa e sugjeron votuesin e moshuar dhe të pamundur fisikisht me fjalët: “vetëm përpara eee”, duke e intimiduar haptas për të marrë edhe një votë më shumë për Veliajn.
E mban në krahë karrocën bashkë me të moshuarin e tretur. Edhe pak shkallë zbret për t’i sugjeruar sërish për të disatën herë: “vetëm përpara”…. Minimalisht ky gaztor që me gjuhën e tij ishte fadromë për prishjen e Tetarit Kombëtar, duhet të gdhihej në komisariat si i dyshuar për intimidim të votuesve.
Soolagni “vetëm përpara” është i Partisë Socialiste dhe çdo propagandë në ditën e votimit dhe sugjerim apo intimidim i votuesve, dënohet nga ligji. Po ku ka ligj që mund të prekë “investitorin strategjik” të qeverisë. Ky personazh grotesk në fakt qesh me ne të gjithë ne, duke bërë humorin e në shfaqjen masive të propagandës qeverisëse “bukë dhe shfaqje” për ne qytetarët, skllevërit modern të këtij pushteti. Mbajti karrocën e invalidit në krahë dhe mori sigurinë që vota do shkonte për pushtetin.
I moshuari është më i pafajshmi në këtë shfaqje të trishtë, pasi më së paku duhet t’i kërkonte llogari “anëtarit të këshillit bashkiak” se përse nuk ka vende të detikuara për invalidët për të zbritur apo ngjitur në çdo godinë të shtetit. Kushtet nuk ia kanë plotësuar, por votën ia marrin, madje duke e intimiduar dhe fyer aq rëndë sa për ti kërkuar votën shërben pamja e një humoristi që pas qeshjes të ngjesh faturën e rëndë të abuzimit.
Shumë mundohen që të fshihen skutave për të shantazhuar qytetarët për të votuar për Rilindjen, por Paja është aq i fuqishëm sa pozon para kamerave të një telefoni duke shkelur ligjin “live”. Kjo nuk tregon padijeni, por arrogancën e pushtetit që në maninë e rrëbimit të votës nuk kursejnë as të moshuarin në karrocën e invalidit.
Gazmend Paja është një satirik i “Portokallisë”, ama për qeverinë quhet investotor strategjik, duke i dhënë hapësirën publike bregdetare në Himarë për ngritjen e një resorti të madh turistik. Minimalisht duhet të justifikonte investimin mbi 5 milionë dollarë, por gaztori ka vetëm rrogën si aktor dhe vetëm Rilindja bën çudira të tilla duke peshkuar individë që vetëofrohen për të pastruar paranë e pisët të dyshes krim-qeverisje.
Ky kanakar i pushtetit nuk u shfaq vetëm me të moshuarin sot në publik. Ai priti gjatë që në mëngjes herët Veliajn dhe bashkëshorten e tij për tu dhënë dorën dhe puthjen e pushtetit që nuk është gjë tjetër vëçse një lëpirje servilizmi që prej 10 vitesh vranë dhe varrosën moralin dhe dinjitetin. Nuk iku pasi votoi, duke pritur gjahun e radhës dhe ai i erdhi qoftë edhe në karrocën e invalidit dhe intimidimin e hapur se kë duhet të votonte. Ligji u shkel, policia ka provën me video dhe zë!
