Nuk ndalen rastet e denoncimeve për presion, shantazh dhe intimidim të votuesve në qendrat e votimit të bashkisë Tiranë.
Duket se administrata e bashkisë së drejtuar nga Erion Veliaj është shpërndarë në çdo qendër votimi dhe me metoda të ndryshme kërkon të ndikojë në të drejtën e qytetarëve për të zgjedhur.
Rasti më i fundit i denoncuar dhe që përbën një shkelje flagrante të Kodit Zgjedhor ka për protagonist kreun e njësisë bashkiake numër 2, Florian Pullazi.
Ky i fundit ka hyrë së bashku me të vëllanë në ambientet e brendshme të një qendre votimi, duke shantazhuar votuesit.
Pullazi është futur brenda qendrës së votimit, duke shoqëruar qytetarët e duke kërkuar vota për Erion Veliajn.
