Vendimi i Gjykatës së Vlorës për të lënë në burg kandidatit për kryetar bashkie të Himarës, Fredi Beleri shkaktoi një reagim tepër të ashpër nga Ministria e Jashtme greke.
Pala helene nuk pajtohet me arrestimin e Belerit, i cili përfaqëson komunitetin grek në zonë dhe sipas Athinës zyrtare, mbajtja në burg e tij do të ndikojë në rrugën europiane të Shqipërisë.
“Nëse provat nuk janë të pakundërshtueshme, është skandaloz”, thuhej në reagimin e dikasterit të drejtuar nga Niko Dendias.
“Arrestimi i një kandidati për Kryetar Bashkie dy ditë para zgjedhjeve nuk përbën shtet ligjor. Vendimi për ndalimin e kandidatit për Kryetar Bashkie sjell një ndryshim të plotë të rregullave të barazisë në zgjedhjet bashkiake në Himarë, qendra më e rëndësishme e pakicës kombëtare greke në Shqipëri”, nënvizohej më tej.
Ky reagimi i ashpër për arrestimin e paligjshëm të Belerit, duket se ka rindezur tensionet diplomatike midis dy vendeve pasi ministrja e Jashtme Olta Xhaçka ka nxituar t’i përgjigjet MEPJ-së greke.
Xhaçka bën thirrje që Athina zyrtare të përmbahet nga deklaratat që nuk respektojnë institucionet e pavarura të vendit tonë, duke nënvizuar sipas saj se Beleri është kapur duke kryer aktivitet kriminal.
“Është thuajse e pamundur të kuptohet se si miqtë tanë kanë të drejtë të kundërshtojnë një vendim gjykate në vendin tonë, kur provat e forta që ata kërkonin nuk mund të ishin më të vështira – Fredi Beleri është kapur duke u përfshirë në aktivitet kriminal kundër të lirë dhe zgjedhje të ndershme.
Nuk e kuptojmë se si shtetasi grek e përjashton atë nga ligji si shtetas i Shqipërisë. Ne u bëjmë thirrje miqve tanë grekë të përmbahen nga deklaratat që nuk respektojnë institucionet e pavarura të vendit tonë”, shprehet ajo.
