Shqiptarët do t’i drejtohen nesër kutive të votimit për të zgjedhur 61 drejtuesit e rinj të bashkive, katër vite pasi në të gjitha njësitë e qeverisjes vendore, përveç Shkodrës, u vendos diktati i partisë-shtet, falë zgjedhjeve njëpartiake të 2019.
Teksa na ndajnë pak orë nga finalizimi i procesit zgjedhore, deputeti i Partisë Demokratike, Edi Paloka u ka bërë thirrje të gjithë shqiptarëve që të shfrytëzojnë shansin që kanë nesër për të ndryshuar historinë.
Paloka e ka krahasuar kryeministrin Rama me liderin komunist Enver Hoxha, duke u shprehur se nuk janë dhe aq larg vitet kur një tjetër diktator injorant e diabolik i vinte shqiptarët t’i binin lodrave e të kërcenin pikërisht si tallavaja e PS-së sot, në ditën që ju merrte tokat e pronat.
“Nesër shqiptaret kane një shans tjetër per te ndryshuar jo vetem pushtetin, por dhe historine e tyre qe jo rralle i ka vendosur ne pozita aspak dinjitoze qe pas 1945 …
Nuk jane dhe aq larg vitet kur nje tjeter diktator injorant e diabolik i vinte shqiptaret ti binin lodrave e te kercenin pikerisht ne diten qe ju merrte tokat e pronat ! Kronikat e asaj kohe , me njerez qe hidhen perpjete gjithe gezim nen tingujt e cyrleve dhe dajreve nderkohe qe dorezojne dhe lopen e fundit qe ju mbante me qumesht femijet, nuk ndryshojne fare nga kronikat e kesaj fushate ku sheh nje popull te mjere qe hidhet përpjetë me tallavane e Rames ndërkohë qe zyrtaret e majmur, pushtetarët, përplasin duart rreth tyre me nënqeshje cinike ne surratet e lyrosur”, shkruan ai në Facebook.
Në vijim, deputeti demokrat nënvizon se vota e nesërme është për të shpëtuar të ardhmen e fëmijëve dhe për të mbajtur në vend dinjitetin.
“Prandaj vota nesër nuk është vote vetëm për te shpëtuar pluralizmin e demokracinë ne këtë vend, po eshte vote per te shpëtuar dhe dinjitetin e gjithsecilit. Është vote kundër atyre qe jo vetëm ju kane varfëruar por dhe tallen me varferine tuaj! Eshte vote kunder atyre qe jo vetem ju dhunojne por edhe ju poshtërojnë pasi ju kane dhunuar!
Prandaj nesër votoni kunder varfërisë, kundër dhunës, kundër arrogancës e poshtërimit. Boll e shitet dinjitetin dhe te ardhmen e fëmijëve tek shkaktaret e mjerimit tuaj!”, nënvizon ai.
