Gjuha denigruese dhe fyese që Edi Rama ka përdorur për të bindur shqiptarët që të mos votojnë kandidatët e koalicionit “Bashkë Fitojmë” pasi si lider kanë Sali Berishën dhe Ilir Metën, ka motivuar dhe të zgjedhurit e tij për bashkitë që të kërkojnë votën me të njëjtin diskurs politik.
Por teksa Rama është mjeshtër i përbaltjes së figurës së kundërshtarit, kandidatët e tij duket se cedojnë në këtë aspekt dhe dalin blof kur duan t’i ngjajnë shefit të tyre kryeministër.
Shembullin më konrekt për t’a faktuar këtë e ka dhënë kryebashkiaku i Matit, Agron Malaj i cili garon për një mandat të dytë në këtë bashki, që ka qenë bastion i djathtë.
Në tentativën e tij para syve të drejtueses politike të qarkut Dibër, Belinda Balluku, për të ulur figurën e Metës dhe Berishës, kryeashkiaku ka bërë një ndër gafat më të rnëda të fushatës.
Ai ka treguar me fjalë shumë të thjeshtë në fakt, konsideratën që Partia Socialiste ka për qytetarët që e votojnë, duke e listuar në rend numerik 10 mijë vend poshtë personazhit të Edi Ramës.
“Por duhet të bëjmë dhe një analizë tjetër, kush është Edi Rama dhe Sali Berisha, kush është Edi Rama dhe Ilir Meta. Ka një diferencë shumë të madhe. Është Edi Rama, janë nja dhjetë mijë vende bosh, pastaj vjen populli, në fund fare janë ata”, u shpreh Malaj.
