Një video, jo më larg se 2 kilometër nga qendra e Tiranës, atij kryeqyteti modern dhe kozmopolit që i referohen VIP-at e vendosur në shërbim të makinerisë elektorale për përmirësimin e imazhit të Erion Veliajt, mjafton për të hedhur në tokë propagandën e 30 ditëve fushatë.
Pamjet e mëposhtme janë filmuar në zonën e “Unazës së Re”, më konkretisht “Astiri”.
Aty ku Veliaj ka proklamuar rritjen e vlerës së pronës dhe përmirësimin e jetesës me ndërtimin e “Unazës së Madhe”, por nuk ka ndërtuar asnjë shkollë, kopësht apoi çerdhe pavarësisht se ka arkëtuar 41 mln euro nga taksa e arsimit.
Pamja që ofron zona në fjalë është ajo e një qyteti të pajetueshëm, me ujërat e ndotur të lanës që derdhen në një përrua, që zgjaton më pas në rrethinat e qytetit.
Përveç mungesës së një sistemi për ujërat e zeza, Tirana përtej fasadës që ofron Veliaj në qendër ashtu siç anëtari i Këshillit Kombëtar të PD, shprehet në videon e postuar në Facebook ofron për qytetarët vetëm ajër kancerogjen, ujë që vjen me orar në rubineta dhe është i pakonsumueshëm dhe fekale që përshkojnë mes për mes zonat e banuara.
Tirana e Veliajt është kryeqyteti i vetëm në Europë me transportin publik në gjendje mizerabël, pa tren, pa metro apo tram dhe pyetja që me të drejtë shtrohet në prag të votimeve të së dielës, është se: “Çfarë qyteti mund të jetë ky?”.
