Teksa na ndajnë vetëm 3 ditë nga zgjedhjet lokale të 14 Majit, analisti, Fatos Lubonja, ka komentuar fushatën e palëve politike në vend.
I ftuar në emisionin ‘Open” Lubonja u shpreh se pavarësisht se Rama thotë që nuk ka kundërshtarë, kryeministri ka ngritur një mobilizim me tendera, rritje rroge dhe shkelje ligjore që do të ishin të panevojshme për një forcë politike që shprehet se ka kaq shumë siguri.
Lubonja: Të dyja forcat pak a shumë përdorin gjuhën e denigrimit, kështu që them më mirë kjo ose ajo, më duket pak… të dyja palët i shikoj në një lloj ‘skizofrenie’, të një ndarjeje në dysh të të dyjave.
Opozita në një anë denoncon shumëçka që bëhet dhe tregon se në Shqipëri vështirë se ka zgjedhje të lira, nga ana tjetër ka kandidatë që flasin për politika qyteti.
Nga ana tjetër kryeministri thotë që s’kemi kundërshtarë… Nga ana tjetër shohim gjithë këtë mobilizim, tendera, rritje rroge, shkelje ligjore në një kuptim që nuk është e nevojshme kur t’i ke kaq siguri. Përpos kësaj pse duhet të dalë kryeministri të bërë fushatë, kur ka kaq siguri”.
