Në prag të zgjedhjeve lokale të 14 Majit, kandidati i koalicionit “Bashkë Fitojmë” për bashkinë e Kuçovës, Lefter Maliqi ka ka denoncuar presionet dhe shtanazhet që kryebashkiaku Kreshnik Hajdari dhe ministri i Brendshëm, Bledi Çuçi po bëjnë për të maksimizuar votën për PS.
Maliqi në studion e “News 24” ka denoncuar raste të shit-blerjes së votës, duke thënë se zyrtarët fikin dritat në mesnatë dhe shpërndajnë pako dhe karta marketi te qytetarët.
Duke shprehur bindjen se do t’i fitojë këto zgjedhje, Maliqi konstatoi se ministri Çuçi është i trembur për rezultatin në Kuçovë për shkak të mbështetjes që ai gëzon në fshatrat e Kuçovës, që prej kohës kur ishte deputet.
“Më vjen për të qeshur kur shoh që ministër, ka një frikë të madhe për shkak të mbështetjes që unë kam. Lajmi që ka dalë është i inskenuar nga policia. Është shpifje, unë vij nga policia dhe mbaj përgjegjësi për këtë. Këta janë votues të majtë dhe e di gjithë Kuçova. Në Fermë Partizani kanë ndalur një qytetar dhe e kanë bërë me shpatulla pas murit. E kanë presionuar dhe shatazhuar. Në darkë fiken dritat dhe ata ndajnë pako dhe blejnë vota. Kanë kërcënuar banorët dhe socialistë të ndershëm që më janë bashkuar”, tha Maliqi.
Ai madje i drejtoi një ftesë për debat ministrit të Brendshëm, për të ballafaquar alternativat që selia rozë dhe Maliqi kanë për qytetin.
“I them Çuçit që publikisht të bëjmë një debat televiziv. Për mua s’ka kapacitet dhe s’di të falsë. Nuk dinë të lidhin dy fjalë dhe mendojnë se do tallen me popullin. Kuçova është tallur dhe përbuzur për mbi 30 vite. Lefter Maliqi do i bëjë kryq tederave korruptive. Vidhen në mënyrë barbare. 140 mln lekë për varrezat, 170 mln për sportin, vjedhje për koncertet, Vitin e Ri, 14 marsit etj. Vjedhin dhe për matrikullimin e qenve”, nënvizoi Maliqi.
Më tej ai hodhi akuza edhe në drejtim të oligarkut Pëllumb Salillari, për blerje votash për llogari të Hajdarit, i cili me firmën e tij i jep tenderat miliona euro.
“Pëllumb Salillari vjedh taksat, rreh banorët, i godet me urdhër të Policisë së Shtetit. 14 mln euro një tender. Kam besim që kjo çështje nuk do të mbarojë me kaq. Po joshen njerëzit, por sado të japin… vota mund të shkojë deri në 200 euro. Janë ndarë dhe karta maketi”, tha Maliqi.
