Detaje të reja kanë dalë lidhur me arrestimin e shtetasit portugez, Ruben Saraiva, i cili më 19 prill dyshohet se ekzekutoi me 7 plumba biznesmenin Ardian Nikutajt në resortin e tij “Coral” në Shëngjin.
Saraiva u vu në prangat e policisë mbrëmjen e djeshme në Marok, një vend me të cilin Shqipëria nuk ka marrëveshje ekstradimi. Ruben Saraiva dyshohet se ka shkuar në Marok me dokumente false.
Në momentin e arrestimit ai ka qenë i ulur vetëm në një lokal në kryeqytetin e Marokut, Rabat, ndërsa gjatë kontrolleve të ushtruara nuk i janë gjetur dokumente apo armë.
- Sa mundësi ka që të ekstradohet Ruben Saraiva drejt Shqipërisë?
Burime për mediat bëjnë me dije se ditën e sotme “Interpol Maroku” i ka dërguar një mesazh homologëve shqiptarë ku i kanë vënë në dijeni se Ruben Saraiva ndodhet në paraburgim.
“Lidhur me shtetasin Ruben Saraiva, i cili kërkohet nga ju për vrasje, a është kërkimi i vlefshëm? Nëse po, ju lutem na vini në dispozicion praktikën. Ai është arrestuar nga ne dhe po mbahet në paraburgim”, shkruhet në mesazhin e dërguar nga Interpol Maroku për autoritetet shqiptare.
Praktikisht ky është edhe mesazhi që informon palën shqiptare për arrestimin e të shumëkërkuarit dhe kërkon të dhëna për rrethanat e çështjes dhe arsyet se pse ai akuzohet nga shteti shqiptar.
- Shqipëria do të shqyrtojë mundësinë për reciprocitet
Në kushtet kur Shqipëria nuk ka marrëveshje ekstradimi me Marokun, do të shqyrtohet vetëm mundësia dhe kërkesa e vendit tonë për reciprocitet me Marokun.
Kjo do të thotë në rast se autoritetet ligjzbatuese binden nga provat që do të dërgojnë homologët e Shqipërisë atëherë mund të dërgojnë drejt Shqipërisë portugezin i cili dyshohet si “killeri” i bandës që ekzekutoi Ardian Nikutajt.
Pra e thënë ndryshe, janë shanset shumë të pakta për të ekstraduar shtetasin Ruben Saraivës drejt Shqipërisë, kjo për shkak se Maroku është në listën e vendeve pa ekstradim për t’u marrë në konsideratë – pasi ju mund të mërgoni dhe më pas të kërkoni një Rezidencë për Investim (Vizë e Artë) e cila mund të çojë në shtetësi dhe një shans të reduktuar ekstradimi.
Autoritetet shqipëre do të përdorë të gjitha manovrat ligjore të konventave ndërkombëtare për të bindur shtetin afrikano-verior për të pasur një përgjigje pozitive ekstradimi. Një prej mënyrave që mund të ndiqet është ajo e shkëmbimit me një të burgosur maroken që mund të jetë arrestuar në vendin tonë.
Ruben Saraiva kërkohet nga drejtësia shqiptare, pasi dyshohet se në bashkëpunim me 4 shtetas britanikë të paguar nga Edmond Haxhia kanë organizuar vrasjen e Nikulajt.
