Përballja me të vërtetën dhe ballafaqimi me gazetarë e analistë që i devijojnë propagandës së qeverisë, nuk është pika më e fortë e kryeministrit Edi Rama.
Këtë e ka treguar në vazhdimësi, e veçanërisht sot, teksa përplasja me Neritan Sejaminin në studion e “TPZ” për tenderat abuzive, mungesën e investimeve të huaja dhe dhënien me koncesion të çdo shërbimi në nivelet e qeverisjes qendore e lokale, e ka “shfazuar” Ramën.
Sejamini i tha Ramës se gjatë 10 viteve që ai qeveris vendin nuk ka investime të huaja domethënëse siç ishte gazësjellësi TAP në kohën e Berishës, por vetëm vazhdim të investimeve të qeverisë së shkuar, siç është kontrata me SHELL për zbulimin e naftës në Shpirag.
Fakti që Sejamini i kujtoi Ramës se kontratat afatgjata të “Rilindjes” janë lidhur kryesisht me kompani shqiptare që janë regjistruar në offshore, bëri që shefi i qeverisë të humb toruan, duke iu kthyer me agresivitet: “Ça flet mo, ça flet?”,
Ne mungesë të argumenteve për të mbrojtur tezat e tij, Rama iu kthye sulmeve personale, duke e akuzuar analistin se mbron rivalin e tij Sali Berisha, pasi ka qenë këshilltar i tij.
Pjesë nga debati:
Edi Rama: Merri dhe lexoji investimet e huaja pse une do ua them?
Neritan Sejamini: Unë po flas për fakte ekonomike. Ose flasim me fakte ose me fushatë, kërcim dhe këngë.
Edi Rama: Si flitet kështu? Investimet janë në maksimume historike.
Neritan Sejamini: Janë kompani të huaja që kanë qenë, ose kompani shqiptare të regjistruara jashtë. Ka kompani të huaja këtu përveç SHELL?
Edi Rama: Si flisni kështu? Kjo është një gjuhë që nuk e di çfarë të them. Vetëm gjuhë faktesh nuk është. Sigurisht SHELL, nuk ka filluar të ekzistojë pasi ekzistoi partia jote. Flet në emër të asaj qeverie ti, sepse ke qenë këshilltar dhe flet në emër të Saliut.
Neritan Sejamini: Nëse ke gjë me fakte, nuk ka kuptim të thuash si flas unë.
Edi Rama: Ti je ofendues në mënyrën si flet. Je ofendues. Po mirë, po kontratat e reja të SHELL? Je i painformuar.
Neritan Sejamini: Cili është një investitor i huaj që ka ardhur në Shqipëri me qeverisjen tuaj?
Edi Rama: SHELL ka kërkuar të bëjë kontrata të reja.
Neritan Sejamini: Vazhdim i investimit…
Edi Rama: Kompanitë që nga Mercedesi deri te kompania koreane apo kompania japoneze, deri të Lufthansa që ka 400 të punësuar. Po të marr këto, por ka shumë të tjerë.
Neritan Sejamini: Sa është vlera?
Edi Rama: Më pyete për kompani dhe po ti them. Voltalia cfarë është? Kompani e madhe franceze.
Neritan Sejamini: Tenderim i Shqipërisë.
Edi Rama: Ça flet mo ça flet?
***
Edi Rama: Të thuash që Porti i Durrësit nuk është investim i huaj….
Neritan Sejamini: A do të financohet nga shitja, Porti i Durrësit?
Edi Rama: Nuk dua të flas, se nuk dua të prish gojën, këto që thua ti janë tmerre. Janë qesharake. Vjen investitori i huaj, do të bëjë invsetim 2 miliardë…
Neritan Sejamini: Faktet mund të jenë skandaloze, por janë të vërteta. Kjo e Portit të Durrësit verifikohet lehtësisht.
Edi Rama: Këto i kam dëgjuar nga partia jote në Parlament. Ose e bën me qëllim ose je out. Ti thuash audiencës tënde që ky invsetim nuk është i huaj, është turp.
Neritan Sejamini: Është kështu si them unë.
