Ish-konkurrentja e Big Brother VIP, Tea Trifoni, e ftuar në “Më lër të flas”, deklaroi se është kërcënuar me jetë nga Kiara Tito dhe një i afërm i saj, që sipas saj mund të ketë qenë burri i tezes. Ajo tha se ngjarja ndodhi në një prej netëve të spektaklit dhe ka pasur shumë dëshmitar në atë moment.
“Te dera e Topit më kanë kërcënuar. Gjithë produksioni i BBV është në dijeni për këtë. Kiara me burrin e tezes së saj, a familjarin a ça ishte, më tha do të marr zvarr, do të të vras je kështu je ashtu“, tha Tea.
Ajo shtoi gjithashtu se përveç saj, ata kanë kërcënuar edhe opinionisten Zhaklin Lekatari.
“Ka pasur dhe personazhe të tjerë që ka kërcënuar Kiara dhe burri i tezes së saj. Jo vetëm mua. Nuk doja ta thoja unë se flasin vetë personat por ja kanë kërcënuar dhe Zhaklinën. Ajo mori bodyguard për të dalë nga Topi ndërsa unë nuk mora gjë”, tha Tea.
Kiara reagoi menjëherë pasi ishte e ftuara e rradhës në emision. Ajo tha se nuk e ka kërcënuar kurrë dhe e akuzoi Tea Trifonin se po e bën këtë për të marrë vëmendjen.
“Prodhohen shumë lajme, ka dhe shumë personazhe që nuk e di për çfarë e bëjnë, ndoshta për vëmendje, por nuk kam kërcënuar kurrë, është shumë e shëmtuar”, tha Kiara Tito.
Zhaklin Lekatari ka reaguar në një postim në Instagram ku shkruhej për deklaratën e Teas dhe ka konfirmuar se është kërcënuar nga Kiara dhe familjarët e saj.
“E vërtetë”, shkruan Zhaklina.
