Lëvizja “BASHKË” me kryetar Arlind Qorin ka vijuar fushatën elektorale për bashkinë e Tiranës, duke u ndalur në çdo lagje në takime me qytetarë, të cilët i kanë komunikuar kandidatit për kryebashkiak problemet që hasin çdo ditë në kryeqytet.
Nga kostoja e lartë e jetesës që me çmimet e rritura të shportës është bërë e papërballueshme për pensionistët, korrupsioni, trafiku i rënduar në çdo rrugicë, ndotja e ajrit, papunësia e emigrimi i të rinjve, janë të gjithë probleme që i janë komunikuar Qorit.
Premtimi i tij kryesor për qytetarët është rikthimi i pushtetit lokal në duart e tyre, pasi do të jenë ata që nëpërmjet referendumeve do të vendosin sipas programit të Lëvizjes “BASHKË” për çdo çështje të bashkisë Tiranë.
Sakaq ndër pikat e programit që Qori ua ka shprehur banorëve të kryeqytetit në çdo zonë ku është ndalur me ekipin e të rinjve dhe aktivistëve për të kërkuar mbështjet me votë për në 14 Maj, është edhe hetimi i çdo leje ndërtimi dhënë në 8 vitet e fundit nga kryebashkiaku Erion Veliaj.
Kullat që kanë rrethuar qendrën historike të Tiranës dhe mbi 7 milionë m2 leje ndërtimi që Veliaj ka firmosur duke betonizuar kryeqytetin, do të kalojnë në sitën e ekspertëve të ndërtimit, ekonomistëve dhe juristëve, duke iu referuar ligjit të vitit 2014.
Gjithashtu Qori përfshin në programin e tij ndërtimin e 20 shkollave të reja, si nevojë jetike për Tiranën, në mënyrë që të ndalet mësimi me turne.
PIKAT E PROGRAMIT:
1.Tirana duhet të bëhet jona, e qindra dhe mijëra qytetarëve të thjeshtë. Lëvizja Bashkë zotohet se do të realizojë, ndalimin e ndërtimit të kullave në qendër të Tiranës.
2.Moratorium dy vjeçar për çdo ndërtim brenda Unazës së Madhe dhe hetim i çdo leje ndërtimore.
3.Mbrojtjen dhe rikuperimin e hapsëirës publike duke ndërtuar parqe dhe sheshe.
4.Uljen e çmimit të apartamenteve dhe qerave përmes ndërtimit të anesave sociale dhe politikave fiskale progresiste.
5.Ndërtimin e të paktën 20 shkollave të reja dhe kopshteve e çerdheve.
6.Zbatimi i programit nga ferma në shkollë. Ndërtimi i tregjeve të reja.
7.Reduktimi i fortë i ndotjes së ajrit, ujit dhe zhurmave.
8.Uljen e taksave për bizneset e vogla dhe profesionet e lira.
9.Transport publik cilësor e të shpejtë. Falasa për pensionistët, studentët e të papunët.
10.Organizim të referendumeve vendore për çështjet kryesore tëq qytetit. Transparencë për çdo kontratë me kompanitë private.
